ಸ್ವಾಗತ | ಗಜಲ್ | ವೆಂಕಟೇಶ ಚಾಗಿ | swagata | gajal | venkatesh chagi
ಗಜಲ್
**ಸ್ವಾಗತ **
ನನ್ನ ಹೃದಯದೊಳಗೆ ಪ್ರವೇಶಿಸುತ್ತಿರುವ ನಿನಗೆ ಸ್ವಾಗತ
ನನ್ನ ಕನಸುಗಳಿಗೆ ಜೀವ ನೀಡುತ್ತಿರುವ ನಿನಗೆ ಸ್ವಾಗತ
ಹೊಸ ಕಥೆಯೊಂದು ಆರಂಭವಾಗಿದೆ ನನ್ನ ಬದುಕಿನಲ್ಲಿ
ನನ್ನ ಜೀವನದ ಜೀವವಾಗುತ್ತಿರುವ ನಿನಗೆ ಸ್ವಾಗತ
ಅಂತರಂಗದ ಅನುಪಯುಕ್ತ ಮಾತುಗಳೆಲ್ಲ ದೂರವಾಗಿವೆ
ನನ್ನ ಭವಿಷ್ಯದ ಬೆಳಕಾಗುತ್ತಿರುವ ನಿನಗೆ ಸ್ವಾಗತ
ಆಸೆ ನಿರಾಶೆಗಳ ಅಲೆಗಳೆಲ್ಲ ಈಗ ಶಾಂತವಾಗಿವೆ
ನನ್ನ ನೆಮ್ಮದಿಯ ಜ್ಯೋತಿ ಆಗುತ್ತಿರುವ ನಿನಗೆ ಸ್ವಾಗತ
ಯಾರ ಕೆಡಕಿಗೂ ಕಾರಣನಾಗಲಾರನಿವ ಚಾಗಿ
ನನ್ನ ಒಳಿತಿನ ಬಂಗಾರವಾಗುತ್ತಿರುವ ನಿನಗೆ ಸ್ವಾಗತ
✍️ ವೆಂಕಟೇಶ ಚಾಗಿ
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ